Mañá martes, 77 cabodano do asasinato de Amada García

Mañá martes, 27 de xaneiro, ás 17.00 horas no castelo de San Felipe de Ferrol, homenaxe no cabodano do fusilamento de Amada García e os outros sete compañeiros que morreron asasinados aquel día

Amada García foi detida estando embarazada, facendo que máis tarde o Consello de Guerra aprazase a aplicación da sentenza de morte á que foi condenada, ata o nacemento do fillo seu fillo Gabriel. Á espera dese momento, estivo confinada no Cárcere de Mulleres de Ferrol, logo o 31 de outubro de 1937 ao Hospital de Caridade de Ferrol, onde pariu. 88 días despois, o 27 de xaneiro de 1938, foi conducida ao castelo de San Felipe. Alí foi executada, por un pelotón de fusilamento, canda ela foron executados o mesmo día outras sete persoas da nosa bisbarra: Antonio Eytor Cañizo, José María Montero Martínez, Ángel Roldos Gelpi e Juan José Teijeiro Leira de Mugardos; Jaime González Pérez e Ramón Rodríguez López de Ares; e Germán López García de Cabanas.

Anuncios
Publicado en Sin categoría. Etiquetas: , , , , . Leave a Comment »

A odisea do vapor Bou Ramón

Organizada polo Concello de Ares e a Asociacion Memoria Democrática, tivo lugar a homenaxe aos republicanos fuxidos o 21 de xullo de 1939 a Francia no Vapor “Bou Ramón”.

Ás 11:00 hs. tivemos a presentación do acto, que correu a conta de Julio Iglesias, (Alcalde de Ares), este deu paso ás conferencias impartidas por Eliseo Fernández e Enrique Barrera, (Historiadores da Memoria) que contaron a fuga, travesía, e destino dos fuxidos cando chegaron a terras galas.

Ás 17:00 hs. fíxose unha charla aberta aos asistentes, entre os que se encontraban varios familiares dos fuxidos. Posteriormente, o actor Roberto Leal (fillo dun dos fuxidos) e o músico Víctor Aneiros, deleitáronnos cunha actuación artística.

Como remate desta xornada, as 20:30 hs. inaugurouse un monumento de homenaxe á odisea do Bou Ramón, obra do escultor Miguel Couto.

Festa pola República

memoria histórica

Calendario de «Actos pola República»

Xa está dispoñible o calendario de actividades que vimos organizando durante os últimos anos en torno ao 14 de abril. Este ano baixo o nome de «Actos pola República», estimamos contar coa vosa presenza:

8 de abril, ás 20.00 horas, inauguración da exposición «Galegos en Mauthausen» no Pazo da Cultura de Narón, estará aberta até o día 20 de abril Descarga e difunde a invitación á inauguración no Pazo da Cultura (PDF)

13 de abril, ás 21.00 horas, coloquio republicano, no Campus Universitario de Esteiro, seguido da cea de confraternidade ás 22.00 no comedor do campus. Os vales da cea custan 25 euros, reservas e máis información nos teléfonos 669 621 687 e 673 205 295

14 de abril, ás 12.00 horas, desprazarémonos até Cedeira para unirnos á homenaxe e ofrenda floral que os veciños e veciñas da vila organizan na Praza da Revolta ante o monolito adicado aos presos do campo de concentración e os represaliados e represaliadas pola ditadura franquista. Acto organizado por Memoria Histórica Democrática.

18 de abril, proxección do documental «As misións pedagóxicas» e posterior coloquio, no café-teatro do Pazo da Cultura de Narón.
Estes actos organizados por Memoria Histórica Democrática coa colaboración do Concello de Narón

Visita este blogue ou a nosa páxina para atopar cambios de última hora nas actividades programadas.

Agardámosvos, Saúde e República!

Descarga e difunde o cartaz das actividades (PDF)

Descarga e difunde a invitación á inauguración no Pazo da Cultura (PDF)

EXPOSICION E CONFERENCIA GALEGOS EN MAUTHAUSEN, NO CONCELLO DE AS PONTES

O vindeiro luns, 18 de Febreiro, ás 20 hs, na Sala de Exposicións da Casa Dopeso (As Pontes), inauguramos a Exposición “GALEGOS EN MAUTHAUSEN”, coa tamén proxección do documental de Xose Abad co mesmo nome (duración: 15 minutos).
A DURACIÓN DA EXPOSICIÓN É DO 18 DE FEBREIRO ATA O 11 DE MARZO

LUNS 18 DE FEBREIRO
20:00 horas, Lugar: Sala de Exposicións da Casa Dopeso

  • Inauguración da exposición fotográfica: “GALEGOS EN MAUTHAUSEN”
  • Proxección do documental de Xose Abad co mesmo nome (duración 15 minutos).

XOVES 28 DE FEBREIRO
20:00 horas, lugar: Salón de Actos da Casa Dopeso

  • Conferencia-debate sobre este Campo de Concentración e de exterminio Nazi, este impartido polo historiador e membro da nosa Asociación, Enrique Barrera, e o Pte. da mesma, Manuel Agustín Fernández Pita.

mauthausen

Organiza:
Abrente e a Asociación Memoria Histórica Democrática

Colabora:
Concello de As Pontes

O ceo volveu chorar por Amada García

Premer na imaxe para acceder a galería de fotos

Hoxe o ceo volveu chorar como fai case todos os día 27 de xaneiro. A nosa asociación, en colaboración coa A.C. Fuco Buxán, acompañaron á familia da mugardesa Amada García na homenaxe a esta, e cunha lembranza para todas as mulleres e homes represaliad@s polo fascismo.

O acto tivo lugar no castelo de San Felipe, ao finalizar este, fomos facer unha ofrenda floral ao cemiterio de Serantes, lugar onde repousan os seus restos xunto cos doutr@s moit@s asasinad@s polos fascistas.


Iniciou o acto Enrique Barrera, que dedico unhas palabras a Amada García, e recordou como a república trouxo consigo uns avances en pro da igualdade. Seguidamente, interveu José Torregrosa, que nos puxo a todos o corazón nun puño coas súas palabras. En último lugar, a neta de Amada, que leva o mesmo nome da súa avoa, agradeceu a todos os alí presentes a súa asistencia, e desculpou a ausencia do seu pai, Gabriel, que non puido asistir por motivos de saúde.

Presentada en Fene a Exposición “Galegos en Mauthausen”

Premer na foto para ver a galería

A mostra está aberta na Casa da Cultura de Fene (Avda de Conces, 20-22) dende o día 10 até o vindeiro 24 de xaneiro en horario de 10.00 a 13.00 horas e de 16.00 a 21.00 horas de luns a venres, e os sábados de 10.00 a 13.00 horas.

Fene Cidadán

Praza.com

Diario de Ferrol