Conferencia, Os presos de Ferrolterra en Mauthausen

Celebrada no Café Teatro do Auditorio de Narón, a conferencia do Historiador e membro da nosa Asociación, Enrique Barrera, esta charla-coloquio abordou o tema dos represaliados de ferrolterra no campo de concentración nazi de Mathausen.

Enrique Barrera

Conferencia , Os presos de Ferrolterra en Mauthausen

Conferencia , Os presos de Ferrolterra en Mauthausen

Conferencia; Os presos de Ferrolterra en Mauthausen

Mañá, xoves 3 de maio, ás 20:00 horas, no Café Teatro do Auditorio de Narón, terá lugar unha conferencia do Historiador e membro da nosa Asociación, Enrique Barrera, esta charla-coloquio tratará o tema dos represaliados de ferrolterra no campo de concentración nazi de Mathausen.

Para realizar esta investigación, que xa dura case dous anos, Enrique Barrera botou man dos arquivos de Mauthausen, nos que os nazis apuntaban o lugar e data de nacemento de cada recluso, e lles asignaban un número de identificación. Tamén escudriñou rexistros municipais e realizado un amplo labor de campo, con entrevistas aos descendentes vivos. Algúns descoñecían que os seus parentes había estado en campos de exterminio, outros seguen vivindo en Francia.

Hoxe publican un artigo no xornal La Voz de Galicia, non puden por ligazón pois non sae publicada na edición web.

Muere el último gallego de Mauthausen

De Ferrol a Mauthausen

Mañá “O segredo dá Frouxeira” no Pazo da Cultura de Narón

Mañá, mércores 25 de Abril, ás 20,00 h. terá lugar no Pazo de Cultura de Narón, da proxección do documental do Director Xosé Abad, “O segredo dá Frouxeira”, ao remate realizaremos unha charla-coloquio sobre o mesmo.

(A entrada é de balde)

Fotos da “Homenaxe aos Represaliados no Cemiterio de San Mateo”

Premer na imaxe para acceder a galería de fotos

“Homenaxe aos mariñeiros do vapor Mar Cantábrico asasinados polos franquistas ”

Mañá, xoves 19 de abril, ás 17.30 h, terá lugar a “Homenaxe no cemiterio de San Mateo, aos mariñeiros do vapor Mar Cantábrico” asasinados polos franquistas  e enterrados na foxa común do camposanto.

En 1937 o cruceiro Canarias, xa en mans franquistas, interceptou fronte á costa de Santander ao buque mercante Mar Cantábrico, con 60 persoas a bordo e un importante cargamento de víveres, armas e municións, máis varios avións desmontados, para os exércitos republicanos. Trasladado a Ferrol, a metade da tripulación foi fusilada. A historia deste tráxico suceso aparece no libro Armas para a República, obra do historiador Xosé Manuel Suárez (Ed. Embora)

No cemiterio de San Mateo repousan os españois do buque fusilados na Punta do Martelo, o extremo da dársena do Arsenal Militar de Ferrol.

Organiza “Asociación Memoria Histórica Democrática”

Cea da República

En nome d@s compañeir@s que formamos a Memoria Histórica Democrática, moitas grazas a tod@s pola vosa asistencia.

Enrique Barrera, transmitiu en nome da nosa asociación o desexo de pronta melloría do Rei Juan Carlos, tras o accidente que tivo mentres estaba de cazaría de elefantes en Botsuana.

Tamén queremos congratularnos co gran “traballo” que están a facer os consortes das infantas, en pro da restauración da República.

Cándido Pazo

Parabéns e a nosa gratitude a Cándido Pazo, encargado de amenizar a velada. Que soubo reflectir con humor o terror vivido nos anos de ditadura Franquista.

Cándido Pazo

Queremos aclarar que os animais que acompañaron a Cándido Pazo na súa estupenda actuación non eran de Botsuana, a nosa asociación está en contra da caza de animais protexidos e en perigo de extinción.

Garantimos que ningún animal dos que participaron sufriu danos nin maltrato físico ou psicolóxico .

Fotos da Ofrenda floral no monumento aos presos republicanos do campo de concentración de Cedeira

Premer na imaxe para acceder a galería fotográfica.

“Ofrenda floral no monumento aos presos republicanos do campo de concentración de Cedeira”

O vindeiro 14 de abril, ás 13:00h, terá lugar unha “Ofrenda floral no monumento aos presos republicanos do campo de concentración de Cedeira”.

Esta iniciativa nos ven dada por veciños de Cedeira e o ex-alcalde da vila, José Luís Vergara.

Saúde e República

Nosa web: http://memoriahistoricademocratica.org/

e-mail: memoriahistoricademocratica@gmail.com

Listado dos prisioneiros do campo de concentración de Cedeira

Transcripción realizada por Enrique Barrera do Padrón municipal rectificado do ano 1937.

CEA DA REPÚBLICA

O vindeiro sábado 14 de Abril, ás 21:30, no restaurante Jussepe, (Antiga “Casa Juanito”), A Gandara, celebraremos con tod@s @s que decidades acompañarnos ese día a CEA DA REPÚBLICA

Contaremos coa presenza do famoso cómico galego Cándido Pazó, que nos amenizará a velada cun monólogo humorístico.

O prezo da cea é de 25 €

Para reservas poñerse en contacto no correo
memoriahistoricademocratica@gmail.com
Ou no telf 637 567 497

Fotos da homenaxe a Amada García 2012

A Asociación Memoria Histórica Democrática rendeu homenaxe a todas as persoas asasinadas polo franquismo, e particularmente ás mulleres, representadas na figura da mugardesa Amada García.

Así mesmo a nosa asociación deixou constancia do seu apoio incondicional ao xuíz Baltasar Garzón no que considera un inxusto xuízo pola tentativa de investigar os crimes da ditadura franquista.

Clicar na foto para ver a galería completa